Imigassaq eqqussorneqartoq tunisassiarineqartorlu 5,4 pct.-imik annertuseriarpoq

2016-imi imigassaq akoqanngitsoq eqqussuunneqartoq tunisassiarineqartorlu 383 tusind literiusimavoq, titartagaq 1 takuuk. Tamanna ukiup siulianut sanilliullugu 20 tusind literinik annertuseriarneruvoq, 5,4 pct.-iulluni. Innuttaasunut 15-ileereersimasunut agguataaraanni imigassaq akoqanngitsoq inummut ataatsimut 2016-imi agguaqatigiissillugu 8,7 literiusimavoq, ukiup siuliani 8,3 literiusimasoq.

 

Sapaatip akunneranut immiartorfiit aqqanillit sinnilaarlugit

2016-imi innuttaasut 15-ileereersimasut agguaqatigiissillugu inummut ataatsimut 8,7 literimik imigassamik akoqanngitsumik atuinerat isumaqarportaaq inuup ataatsip agguaqatigiissillugu sapaatip akunneranut immiartorfiit (genstand) 11,2 imertarsimagai. Taakkunani immiartorfinni immiaaqqat 7,9-upput, viinni 2,3 kimittoorlu ataasiulluni.

 

Naatsorsuinermi aallaaviuvoq immiartorfik imigassamik akoqanngitsumik 1,5 cl-imik imalik.

 

Titartagaq 1. Imigassamik akoqanngitsumik eqqussuineq tunisassiornerlu, 1.000 liter

Najaqqutaq: Naatsorsueqqissaartarfik, http://bank.stat.gl/ALNALK1

 

Saqqummiussaq ”2016-imi imigassamik eqqussuineq tunisassiornerlu” pdf-fiilitut Naatsorsueqqissaartarfiup nittartagaani www.stat.gl-mi aaneqarsinnaavoq. Paasissutissanik sukumiinerusunik pissarserusukkaanni aamma nittartakkami aaneqarsinnaapput.

 

Paasissutissanik allanik perusukkaanni Naatsorsueqqissaartarfiup pisortaa Anders Blaabjerg saaffigineqarsinnaavoq. E-mail: abla@stat.gl(tlf. 34 57 81).

 

 

Inussiarnersumik inuulluaqqusillunga

 

Anders Blaabjerg

Naatsorsueqqissaartarfiup pisortaa